Ráðherra umhverfismála fór með ósannindi

Frá landnámi hafa verið í gildi reglur um tjöldun og hafa þær verið á þann veg að öllum sé heimilt að tjalda eða hafa náttstað til 3 nátta utan alfaraleiða án sérstaks leyfis frá landeiganda,og á fundi á alþingi var SS spurð út í þetta atriði innann VJG og spyrjandinn var þingmaður frá Akueyri.
Spurt var hvernig verði með tjöldun innann garðsins,SS svaraði því til að það væri óbreytt frá því sem verið hefði og ekki væri ætlunin að breyta því.
Því næst staðfestir SS reglugerð um tjöldun sem er þvert á svarið og það sem venja hafði verið.
Reglugerðin er hér að neðan.

Reglur um tjöldun
Innan þjóðgarðsins ber gestum að nota skipulögð tjaldsvæði fyrir tjöld, tjaldvagna, fellihýsi, hjólhýsi og húsbíla. Fjarri skipulögðum tjaldsvæðum er fólki sem ferðast fótgangandi með allan farangur sinn þó heimilt að tjalda hefðbundnum göngutjöldum til einnar nætur. Hópar göngumanna þar sem eru 10 tjöld eða fleiri þurfa þó leyfi þjóðgarðsvarðar. Við tjöldun utan skipulagðra tjaldsvæða skal gæta þess að valda ekki skemmdum á vettvangi og jafnframt skal bera allt sorp til byggða.

Göngumenn eru beðnir að hafa í huga að óheimilt er að tjalda á eftirtöldum svæðum:

Í Jökulsárgljúfrum utan skipulagðra tjaldsvæða
Að sumarlagi á svæði sem nýtur sérstakrar verndar í Öskju
Á láglendi á Hoffellssvæði og Heinabergssvæði
Á Skaftafellsheiði og í nágrenni Kristínartinda, einnig í Morsárdal og Bæjarstaðaskógi. Í mynni Kjósar í Morsárdal er þó heimilt að tjalda göngutjöldum að fengnu leyfi þjóðgarðsvarðar.

Samkvæmt þessu þá má ég ekki ferðast eins og ég hef gert í áratugi,það er að sofa í bílnum,þar sem ég er staddur í það og það sinnið og ef ég legg bílnum á stæði við skála er mér gert að greiða allt að 1200kr fyrir að fá að sofa í honum og það án þess að ég nýti eða þyggi nokkra þjónustu í eða við skála.
Ég er með allt sem ég þarf í jeppanum og hvorki með tjald,eða vagn af neinu tagi,né heldur sérbúinn bíl.

Spurningin til ráðherra og svar hennar kom fram í sjónvarpsfréttum,þarna fer SS hreinlega með rangt mál vísvitandi og þarna kristallast öll aðferðafræðin sem viðhöfð hefur verið í sambandi við þessi mál,hreinlega fara með rangt mál ef það hentar betur.

Fyrir nokkrum árum sóttist ég eftir að leyfi fyrir því að gista á ákveðnum stað í 3 nætur og nýta til að fara í myndatökur út frá honum,ætlaði ég að gista í skipbrotsmannaskýli sem hafði verið gert upp,meiningin var að komast á staðinn með ferðaaðila sem sá um ferðir þangað og fara með honum til baka 3 dögum seinna,ég talaði fyrst við þann aðila sem vísaði mér á að tala við Þjóðgarðsvörðinn sem hafði yfirráð á svæðinu.
Ég leitaði til hans með erindi mitt og hann tók mjög vel í málaleitun mína og taldi ekkert vera því til fyrirstöðu að láta þetta eftir mér,en hann sagði að foræðið þarna á þessum stað væri komið til Umhverfistofnunar og hann yrði að ræða þetta við þá aðila,en hann endurtók að hann sæi engin vankvæði á að láta þetta ganga upp.
Nokkrum dögum seinn hafði hann samband við mig og var hann ekki sáttur,svarið sem hann fékk frá stofnunni var þvert nei,ástæðan jú þetta var ekki hefðbundið gistisvæði og ekki samkvæmt venju(sem er rugl,þetta skýli er notað árlega og oft á ári er nytjarétthafar fara á staðinn til ýmisa verka).
Þjóðgarðsvörðurinn sagði við mig "það er eins og þeir hjá umhverfisstofnun séu í engu jarðsambandi og hreinlega viti ekkert hvað þeir eru að fjalla um".
Lok samtalsins og endir á erindi mínu ætla ég ekki að segja frá né heldur staðsettningu eða þjóðgarðs.
En þetta kom mér ekki á óvart,því nokkru fyrr hafði ég sent erindi með spurningu hvort mér væri ekki heimilt að tína ber í poka eða dollu innann þjóðgarðs,svarið var 30bls úrdáttur úr reglugerð og stutt svar þar sem mér var alfarið neitað um að tína ber nema setja þau beint upp í mig,allt annað var stranglega bannað,það er sennilega óþarft að segja það,en mér er rennislétt sama um þetta bann og tíni ber sem aldrei fyrr innan garðsins og set í dollur og kyrnur og svei mér þá ef þau bragðast ekki betur svoleiðis þegar heim er komið.